نشأة الكون

في الفيديو دا هنتكلم عن نشأة كوكب الارض من خلال شرح نظرية الانفجار العظيم واللي بتوضح ان الكون كان عبارة عن كورة صغيرة وملتهبة عالية الكثافة والضغط والحرارة وهنتكلم عن الادلة اللي استخدمها العلماء في وضع النظرية دي 

 قبل ١٤ مليار سنة كان كل الفضاء والمادة وطاقة الكون المعروفة لينا موجودة في نقطة بيطلق عليها ال sigularty او التفرد ، وعالم الفيزيا الفلكية المشهور نلد جراس بيثون بيقول ان حجم النقطة دي بيساوي١/تريليون من حجم النقطة اللي بنحطها في اخر السطر ، وكانت الكثافة والحرارة رهيبه لدرجة إن كل قوى الطبيعة الاساسية اللي هي القوى النووية القوية والضعيفة والقوة الكهرومغناطيسية والجاذبية كانو مندمجين في صورة قوة واحدة داخل النقطة دي وكانت درجة الحرارة 1 وجانبة 41 صفر درجة مئوية وساعتها مكنش في لازمان ولامكان ، ومن١٣ مليار و ٨٠٠ مليون سنة النقطة دي انفجرت في ١/تريليون جزء من الثانية ومن الانفجار دا اتولدت المادة والطاقة والفضاء والزمان والكون فضل يتمدد ويتوسع من اللحظة دي بسرعة تفوق سرعة الضوء يعني خلال جزء من الثانية بعد الانفجار العظيم توسع حجم الكون بمعدل ١٠ وجمبها ٥٠ صفر من حجمة الاصلي ودا اللي اتعارض مع النظرية النسبية الخاصة للعالم آينشتين واللي قال فيها(ان مفيش جسم يقدر يتحرك بسعر اكبر من سرعة الضوء). 

 وكان تفسير العلماء ان الكلام دا بينطبق علي الاجسام اللي بتتحرك في الفضاء ومش بينطبق على سرعة تمدد الفضاء نفسه في الفيديو دا انا هوضح وهتكلم عن اكتر نظرية متفق عليها من الوسط العلمي واللي بتفسر ازاي الكون نشأ وهلخص فيها مراحل تطور الكون من النقة دي للكون اللي احنا نعرفه حاليا وهجيبلكو الادله العلميه اللي تثبتلكو صحة الانفجار العظيم ؛عشان نفهم العلماء حددو ازاي عمر الكون ومراحل تطورة.